Nëse bëni pagesa elektronike me vlerë deri në 40 mijë lekë, nuk do të paguani komision bankar. Nga muaji shtator, komisionet për transfertat në euro dhe lek do të jenë më të lira, teksa do të aplikohen në varësi të pagesës.
Me vendim të Bankës Qendrore, çmimet e komisioneve janë ulur deri në 10 herë, dhe kjo masë pritet të kursejë nga xhepat e qytetarëve rreth 40 mln euro në vit. Por, çfarë sjellin ndryshimet e reja.
Për pagesat me vlerë 40 mijë deri në 1 mln lekë, komisioni nuk do të jetë më i lartë se 100 lekë, ndërsa më herët bankat mbanin 250 deri në 500 lekë.
Rregullorja e re parashikon që çmimi i komisioneve për transfertat me vlerë nga 1 mln deri në 5 mln lekë, nuk duhet të jetë më i lartë se 500 lekë. Për këtë nivel pagese, bankat kanë aplikuar deri më tani tarifa komisioni deri në 1500 lekë.
Rregullorja e re, ruan gjithashtu detyrimin për të aplikuar nivel 50% të komisioneve të kryera me internet banking.
j.l./ dita
