Momente të paprecedentë po ndodhin në Turqi dhe Sirinë veriore, pas tërmetit të parë vdekjeprurës prej 7.8 të shkallës Rihter, por edhe të gjitha pasgoditjeve të mëdha që kanë pasuar që nga orët e para të ditës së djeshme.
Të lënë pa frymë dy video të njerëzve “të varrosur” nën rrënojat e shkaktuara nga tërmeti shkatërrues në Turqi.
Në njërën, shihet një grua duke biseduar me motrën e saj: Tavani është pikërisht sipër nesh. Po ashtu edhe tubat. Gjithçka është sipër nesh.
Në një video tjetër shihet një djalë i vogël i bllokuar gjithashtu.
Tek një video tjetër, një vajzë pesëvjeçare i tha babait të saj se ishte ‘mirë’ ndërsa ishte bllokuar nën rrënoja gjatë tërmetit në Turqi. E vogla Ayşe Kubra Güneş nuk mund të lëvizte, pasi ndërtesa gjashtëkatëshe ku ajo jetonte u shemb në qendrën e qarkut Pazarcik në Kahramanmaras.
Ayşe, vëllai i saj dhe prindërit e saj mbetën nën rrënoja, pasi tërmeti me magnitudë 7.8 goditi Turqinë dhe Sirinë në orët e para të mëngjesit të djeshëm. Pjesa tjetër e familjes së saj u shpëtua shpejt, por Ajshe ishte më e vështirë për t’u arritur dhe u bllokua për rreth shtatë orë, raporton ‘DailyMail‘.
Vajza e vogël shihet duke qarë ndërsa grupi i punës e nxjerr nga rrënojat.
Ekipet e shpëtimit po luftojnë kohën, pasgoditjet dhe motin e keq për të shpëtuar sa më shumë persona të jetë e mundur.
j.l./ dita
