Thellohet bilanci i viktimave nga uragani ‘Otis’ në Meksikë, duke shkuar nga 27 në 39 persona të vdekur deri më tani. Siç raportojnë mediat e huaja, uragani i kategorisë 5 goditi pak ditë më parë qytetin turistik Acapulco të Meksikës duke shkaktuar dëme katastrofike.
Stuhia shkatërroi pjesërisht shumë ndërtesa, duke lënë vrima të hapura në muret e kullave të larta.
Presidenti Andres Manuel Lopez Obrador mbërriti në vendngjarje të mërkurën vonë, pasi kolona e tij gjeti rrugë të bllokuara nga rrëshqitjet e dheut dhe mbeturinat e tjera. Disa banorë u zhytën për orë të tëra nëpër baltë dhe mbeturina në përpjekje për të gjetur ushqim dhe strehim.
“Acapulco është një fatkeqësi totale. Nuk është ajo që ishte më parë.Dyqanet ishin plaçkitur të gjitha, njerëzit po luftonin për gjëra. Kështu që vendosëm të ecnim pasi nuk kishte mbetur asgjë atje”, tha 24-vjeçari Eric Hernandez.
Të tjerë thanë se një lumë i tejmbushur dhe ura të shembura kishin ndërprerë komunitetet pranë Acapulco-s, shtëpia e rreth 780,000 njerëzve.
“Njerëzit mbetën të pastrehë, nuk ka energji elektrike,” tha Israel Perez, një bukëpjekës 21-vjeçar.
Sipas autoriteteve, shumica e viktimave janë marrë nga lumenjtë e tejmbushur. Qeveria do të nisë një transport ajror për të shpërndarë ndihma dhe materiale në rajon.
j.l./ dita
