Ish-presidenti i Rusisë, Dmitri Medvedev kërcënoi dje se do të shënjestrojë Hagën me raketa hipersonike me aftësi bërthamore, pasi Gjykata Ndërkombëtare Penale lëshoi një urdhër-arrest për Vladimir Putin, për krimet e luftës në Ukrainë.
“Gjykatësit u zemëruan më kot. Shikoni, ju jeni të guximshëm për të ngritur dorën kundër fuqisë më të madhe bërthamore. Mjerisht, zotërinj, të gjithë ecin nën Zotin dhe raketat. Është mjaft e mundur të imagjinohet, duke lëshuar një raketë hipersonike nga Deti i Veriut nga një anije ruse në sallën e gjyqit të Hagës”, shkruan Medvedev.
Medvedev shprehu besim se në rast të goditjes, NATO nuk do të fillonte një luftë.
“Gjykata është vetëm një organizatë e mjerueshme ndërkombëtare, jo popullsia e një vendi të NATO -s. Prandaj, ata nuk do të fillojnë asnjë luftë. Ata do të kenë frikë. Dhe askujt nuk do t’i vijë keq. Pra, gjyqtarët vështrojnë me kujdes qiellin”, shprehet ai më tej.
j.l./ dita
