AktualitetKronike

Vdekja e 13-vjeçarit në Babrru, garazhi ishte mbyllur, shkak dyshohen gazrat karbonikë të makinës

Detaje të reja kanë dalë nga ngjarja në Tiranë, ku 13-vjeçari dyshohet se humbi jetën nga asfiksia. Familjarët në fillim nuk e kanë kuptuar se ku ishte. Pasi e kanë kërkuar, e kanë gjetur të shtrirë pa shenja jete në garazh, pranë makinës. E kishte mbyllur derën e garazhit dhe ambienti ishte i paajrosur.

I mituri është gjetur jashtë makinës. Ai ka qenë bashkë me të atin sepse ngjitur kanë edhe një servis makinash. Mjeti ishte i prishur dhe nga hetimet paraprake dyshohet se është asfiksuar nga erërat e pajisjeve të makinës apo ndonjë reaksion baterie, pasi sipas të atit ishin duke hequr baterinë e mjetit.

I mituri është gjetur i pajetë nga familjarët dhe shumë detaje nga zhvillimi i ngjarjes pritet të sqarohen.

Shpërndaje këtë artikull