Dy persona kanë rënë në prangat e policisë së Fierit, një ditë pas vdekjes tragjike të elektricistit 33-vjeçar, Xhuljo Shtëmbari, i cili humbi jetën duke punuar për riparimin e një linje të tensionit të mesëm.
Prokuroria e rrethit gjyqësor Fier, ka urdhëruar arrestimin në flagrancë të shtetasit Xhezmi Haliti me detyrë punonjës i nënstacionit elektrik Gradishtë dhe Arben Presheva, elektricist.
Sipas prokurorisë këta dy persona nuk kanë zbatuar protokollin e mbrojtjes dhe zbatimin e rregullave teknike në punë.
Ndërkohë familja Shtëmbari ka hapur dyert e mortit për të përcjellë në banesën e fundit Xhuljon 33 vjeçar, prind i një fëmije të mitur.
Njoftimi i Policisë
Divjakë/Informacion paraprak
Pasditen e sotme, në fshatin Mërtish, shtetasi Xh. Sh., 32 vjeç, me detyrë elektricist, gjatë riparimit të linjës së tensionit të mesëm, dyshohet se ka rënë në kontakt me rrymën elektrike dhe për pasojë ka humbur jetën.
Grupi hetimor nën drejtimin e Prokurorisë po punon për sqarimin e rrethanave të ngjarjes.
j.l./ dita
