Ndonëse vendi kaloi një valë të re pandemia në periudhën e verës, pasojat e saj kanë të ulëta në vdekshmërinë shtesë, në krahasim me të njëjtën periudhë të 2020-2021.
Sipas të dhënave të INSTAT, në tremujori e tretë të vitit u shënuan gjithsej 5,130 vdekje në total.
Në krahasim me tremujorin e tretë të 2020-s, kur sapo filloi vala e pandemisë në vend dhe që deri tani mban rekordin për periudhën korrik-shtator, humbjet e jetës janë reduktuar me 22.5% (shko grafikun: Vdekjet, Tremujori i Tretë, 2011-2022).
Në raport me tremujorin e tretë 2021, tkurrja është gati 20%.
Gjithsesi, vdekjet mbeten ende më të larta sesa mesatarja e të njëjtës periudhë 2016-2019, me rreth 4% më shumë.
Për gjithë 9 mujorin, në vend kanë humbur jetën gati 18 mijë persona, me një rritje prej 10% në krahasim me mesataren e të njëjtës periudhë 2016-2019.
Kjo rritje është e lidhur me tremujorin e parë të vitit, kur vendi akoma po vuante nga pasojat e pandemisë (shiko grafikun: Vdekjet sipas tremujorëve në pandemi 2020-2022, krahasuar me mesataren 2016-2019).
Në raport me 9 mujorin 2020, humbjet e jetës kanë rënë me vetëm 1%, por vala e madhe e pandemisë në 2020-n ishte në tremujorin e katërt.
Ndërsa në raport me periudhën janar-shtator 2021, vdekjet ishin 21% më të ulëta.
16.3 mijë vdekje shtesë më shumë që nga fillimi i pandemisë
Që nga fillimi i pandemisë, në mars 2020, në vend janë shënuar rreth 16.3 mijë humbje jete më shumë, në krahasim me mesataren e 2016-2019. (shiko grafikun: Rreth 16.3 mijë humbje jete shtesë që nga fillimi i pandemisë/Shtesa e vdekjeve sipas tremujorëve, në raport me mesataren përkatëse 2016-2019)
Mjekët pohojnë se vdekshmëria shtesë lidhet si me pasojat direkte që dha pandemia, sidomos në periudhën 2020-2021, në mungesën e kujdesit për sëmundjet e tjera, kryesisht gjatë periudhës së karantinës, që çoi në vonesa të diagnostikimeve.
Një tjetër faktor i rëndësishëm lidhet me pasojat që la pandemia në shëndetin e shumë personave që e kaluan atë, duke bërë që të humbin jetën më pas./Monitor
a.m/dita
Shqiptaret tani jane me te imunizuar nga vaksinat dhe ushqimet cilesore qe hajne. Merite kjo e qeverise qe ka bere te mundur qe cdo qytetar I thjeshte ta mbushe canten plot ne pazar dhe pa paguar asnje lek.