Kryebashkiaku i arrestuar Erion Veliaj ka bërë disa ndryshime në kupolën drejtuese të Bashkisë së Tiranës. Mësohet se ditën e sotme nga burgu i Fierit nga ku ndodhet, Veliaj ka vendosur shkarkimin nga detyra të dy nënkryetarëve, Vasilika Vjero dhe Ilir Mëngra.
Po ashtu Veliaj ka nënshkruar dhe emërimin e Etleva Bishës në postin e nënkryetares së Bashkisë. Bisha është një ndër themelueset e FRESH-it, dhe ka një angazhim të gjatë në PS, ajo ka qenë pjesë e reformimit të shërbimeve sociale gjatë drejtimit të ministrisë nga Erion Veliaj.
Vasilika Vjero ka qenë drejtoreshë në Bashkinë e Tiranës në kohën kur ky institucion drejtohej nga Edi Rama. Që pas shkarkimit të Anuela Ristanit, nga qelia e burgut Veliaj ka bërë një sërë ndryshimesh në Bashki, duke rikthyer të gjithë të besuarit e tij.
j.l./ dita
