Një velierë e nisur nga Kroacia në bordin e të cilës ishin 3 turistë të huaj, pësoi defekt në det të hapur pranë derdhjes së lumit Seman mbrëmjen e së premtes.
Në ndihmë të tyre shkoi Policia Kufitare e Vlorës. Shërbimet e Policisë i kanë shoqëruar me mjetin e Policisë Kufitare drejt Stacionit Kufitar të Triportit. Të tre shtetasit aktualisht janë në gjendje të mirë shëndetësore.
Veliera do të udhëtonte drejt Turqisë me destinacion përfundimtar, por kishte pësuar defekt.
