Shqipëria do të ketë zyrtarisht ambasadën e saj në kryeqytetin ukrainas Kiev.
Në mbledhjen e radhës së qeverisë, u miratua propozimin e MInistrisë së Punëve të Jashtme për hapjen e misionit diplomatik në Kiev.
Vendimi për hapjen e ambasadës është paraprirë nga një tjetër VKM, e cila mbylli Misionin e Posaçëm të Republikës së Shqipërisë në Kiev.
Ky vendim i Qeverisë vjen në 30 vjetorin rivendosjes së marrëdhënieve diplomatike Shqipëri-Ukrainë, ndërkohë që vendi ka luajtur një rol shumë të fortë mbështetës ndaj Kievit në luftën për liri kundër pushtuesve rusë, sidomos me punën në Këshillin e Sigurimit në OKB. m.b./dita
