Gazetari Artan Hoxha ka treguar në një intervistë televizive se grupet kriminale nuk janë me Opozitën, pasi e nuhasin se ku do t’i fitojë këto zgjedhje lokale, duke nënkuptuar mazhorancën.
“Edhe krimi edhe politika kanë të njëjtin objektiv, të sigurojnë sa më shumë para. Këto janë zgjedhje lokale. Opozita ka vetëm Shkodrën në favor, e ka të vështirë. Grupet më të rëndësishme të krimit të organizuar nuk janë me opozitën. E nuhasin se kush do të fitojë”, tha Hoxha.
Sipas tij, krimi në Shqipëri ka kaluar në një nivel tjetër.
“Në total vitin e kaluar kishim vetëm 44 të vrarë, por kjo nuk lidhet me mënyrën e krimeve. Mund të ketë patur vitin e kaluar më shumë të vrarë, po kanë qenë krime ordinere. Gjatë vitit të kaluar ka patur atentate të nivelit të lartë, të kushtueshëm”, u shpreh gazetari investigativ Artan Hoxha.
m.b./dita
