Pamje josportive në finalen e Superligës së basketbollit për meshkuj.
Në ndeshjen e dytë të turit final për titullin kampion mes Tiranës dhe Besëlidhjes, drejtorja e përgjithshme e klubit sportiv Tirana, Deborah Keci, duket e ka humbur qetësinë.
Në minutat e fundit të ndeshjes, një nga lojtarët e stolit të Tiranës ka hedhur në fushë një bluzë. Arbitri e ka marrë bluzën dhe e ka kthyer tek stoli i kryeqytetasve.
Në këtë moment, Keci ka rimarrë bluzën dhe ia ka hedhur në kokë arbitrit duke shkaktuar ilaritet dhe sigurisht një faull teknik.
Më pas gjestin josportiv e ka vijuar edhe trajneri i Tiranës.
Ndeshja përfundoi 73 me 80 në favor të Besëlidhjes, e cila ka fituar deri tani dy nga pesë ndeshjet që luhen mes dy finalistëve për të shpallur kampionin e Superligës, për këtë sezon.
Më poshtë, pamjet e incidentit në fund të ndeshjes, të hedhura në rrjete sociale:
i.b. / dita
