Ish-futbollistët e njohur Eidvan Dilmen dhe Mesut Özil ishin ndër ata që patën fatin të shoqërojnë Presidentin e sapokonfirmuar të Turqisë dhe bashkëshorten e tij në Ankara, pas përfundimit të zgjedhjeve të së dielës.
Por, mesa duket jo gjithçka shkoi siç pritej për dy ish-futbollistët, të cilët në momentet e fundit para se Erdogan të hipte në shkallët e avionit për t’u larguar, kërkuan që të bënin një foto me të, por dikush nuk i lejoi.
Ajo ishte pikërisht bashkëshortja e Presidentit turk, Emine Erdogan, e cila iu afrua ish-futbollistit Dilmen duke e ndaluar me dorë dhe duke i thënë “Stop”.
Pamjet e këtij momenti janë bërë virale në mediat turke, ndërsa mësohet se më vonë të dy ish-futbollistët do të arrinin të bënin foto me Presidentin Erdogan.
p.k\dita
