Kalaja e Gaziantepit, e ndërtuar nga romakët dhe e rindërtuar nga selxhukët, u shemb. Shkak u bë tërmeti që tronditi në orët e para të mëngjesit Turqinë, që ka shkaktuar me mijëra viktima.
Kalaja e Gaziantepit ishte një kala e ndërtuar së pari nga Perandoria Hittite si një pikë vëzhgimi dhe më vonë e kthyer në një kala kryesore nga Perandoria Romake në majë të një kodre në qendër të Gaziantep, Turqi në shekullin 2 dhe 3 pas Krishtit.
Perimetri i kalasë në formë të rrumbullakët është 1200 metra. Muret ishin prej guri dhe kalaja përbëhej nga 12 kulla, por tani shumë pak nga kjo histori ka mbetur.
Tërmeti që preku disa shtete, goditi fort rreth orës 04:17 kur miliona njerëz ishin ende në gjumë. Epiqendra ishte pranë qytetit të Gaziantep, në një thellësi prej 24.1 kilometrash (14.9 milje), tha Shërbimi Gjeologjik i Shteteve të Bashkuara (USGS).
VIDEO: Çfarë ka mbetur nga kalaja:
Tërmeti u ndje në disa vende të rajonit, duke përfshirë Sirinë dhe Libanin. Ndërtesat u shembën në Kahramanmaraş, Gaziantep, Diyarbakır, Malatya, Şanlıurfa, Adıyaman, Hatay, Adana dhe Osmaniye u shkatërruan.
Tashmë ka nisur një operacion kërkim-shpëtimi. Të plagosurit, të cilët janë nxjerrë nga rrënojat e godinave, janë dërguar në spital.
j.l./ dita
