Këtë të mërkurë, më 6 maj, zhvillohet ceremonia mortore në nderim të ish-kryetarit të Kuvendit, Servet Pëllumbi, i cili u nda nga jeta një ditë më parë në moshën 89-vjeçare.
Sipas njoftimit zyrtar, arkëmorti do të mbërrijë në orën 09:00 në sheshin “Skënderbej”, nga ku më pas do të vendoset në hollin e Teatrit të Operas dhe Baletit në Tiranë.
Homazhet në nder të figurës së njohur publike do të fillojnë në orën 09:30, ndërsa në orën 12:00 do të zhvillohen homazhet shtetërore.
Në orën 12:30 është parashikuar ceremonia e përcjelljes për në banesën e fundit, e cila do të zhvillohet me protokoll shtetëror.
Më pas, në orën 13:00, kortezhi funeral do të niset nga Teatri i Operas dhe Baletit drejt varrezave të Sharrës, ku do të bëhet edhe varrimi i tij.
Në ceremoninë e sotme pritet të mbahen dy fjalime. I pari fjalim do të mbahet nga i biri i ish-kreut të Kuvendit, Arben Pëllumbi dhe një fjalë tjetër nga një prej miqve më të ngushtë të tij, Namik Dokle.
Kush ishte Servet Pëllumbi
I njohur si “profesori” në qarqet socialiste, ai ishte një nga figurat më të njohura të politikës dhe mendimit intelektual në Shqipërinë e tranzicionit.
Ai ishte një nga zërat që shpesh kërkonte reformim dhe reflektim brenda së majtës shqiptare.
Lindi në vitin 1936 në Korçë. Ai ndoqi studimet e larta në Universitetin e Shën Petersburgut, ku mori titullin Doktor i Shkencave në letërsi.
U formua si studiues i filozofisë dhe për shumë vite punoi në universitete dhe institucione shkencore. Gjatë periudhës së regjimit të Enver Hoxhës, ishte pjesë e strukturave akademike dhe ideologjike të kohës.
Pas viteve ’90, ai u zgjodh deputet në parlamentin e parë pluralist dhe mori pjesë në transformimin e PPSH në Partinë Socialiste të Shqipërisë.
Si nënkryetar i Partisë Socialiste në opozitë, ai udhëhoqi disa beteja, ndër to edhe kërkesa për lirimin e Fatos Nanos nga burgu.
Njihet si një ndër deputetët më jetëgjatë në radhët e socialistëve, ndërsa këtë angazhim në vitet 2002-2005 e përmbylli duke drejtuar Kuvendin e Shqipërisë.
Pas largimit të socialistëve dhe Fatos Nanos nga pushteti, ai u tërhoq gradualisht nga politika aktive dhe u angazhua në shkrime, analiza dhe reflektime mbi demokracinë dhe tranzicionin shqiptar.
Ai u dekorua me titullin “Gjergj Kastrioti Skënderbeu” nga ish-presidenti Alfred Moisiu.
j.l./ dita
‘Mjerimi sdon meshire,por vetem te drejte.!’Miigjeni
Homazhet si ish kAmunist,ish nen Drejtor i shkollesV.I.LENIN e zv i FiQIret Shehut…APO si antikAmunist ne krye te PS- Parise SocialSSaliste!?
‘Perendi! Ku ne?’
Pse taksapaguesit duhet te paguajne homazhe frenetike me buje te nje marksist-leninisti (sic e cileson Edi Rama), nje fanatik enverist si Servet Pellumbi, qe jo vetem eshte bashkefajtor me familjaret e tij per trafikun e femijeve be Greqi per organe ( keshtu tregohet ne vendimin e formes se prere te Gjykates se Athines, per Natasha Pellumbin (Xhacka) dhe per Pranvera Strakoshen), por eshte nje nga mbeshtetesit kryesore te Diktatures Komuniste para dhe pas renies se Murit te Berlinit, kush vendos per keto homazhe turpi dhe rezili duke levduar PROFESORE te krimeve te komunizmit, qe nuk i gjen dhe nuk i shikon ne asnje vend tjeter ish komunist te Evropes Lindore?