Ish-kryeministri japonez Shinzo Abe është qëlluar me armë zjarri në shpinë. Sulmi ndodhi kur politikani po mbante një fjalim fushate në një zonë të hapur.
Një zëdhënës i qeverisë japoneze tha se Abe u sulmua nga personi i armatosur rreth orës 11:30 të mëngjesit (me orën lokale).
Personi që qëlloi ndaj politikanit, kryeministrit më jetëgjatë të Japonisë (2006-2007, 2012-2020) është arrestuar dhe arma që ai përdori është sekuestruar nga policia. Bëhet fjalë për një 42-vjeçar, identiteti i të cilit ende nuk është bërë i ditur.
Close-up video of Japanese former PM Shinzo Abe being shot and the suspect being tackled. pic.twitter.com/QA0Ywupn8Z
— Global: MilitaryInfo (@Global_Mil_Info) July 8, 2022
Ish-kreu i qeverisë ishte duke mbajtur një fjalim përpara zgjedhjeve të Senatit.
Ai është në një gjendje arresti kardio-respirator, ndaj vdekja mbetet për t’u raportuar nga një mjek.
NHK video shows the moment Shinzo Abe’s suspected attacker was stopped. Local media reporting a man in his 40s has been arrested on a charge of attempted murder #Abe #安倍晋三 pic.twitter.com/oMcDV31vfn
— Tom Bateman (@tomb8man) July 8, 2022
Sekretari kryesor i kabinetit Hirokazu Matsuno u tha gazetarëve të Premten se ai nuk e dinte gjendjen e Abe, por transmetuesi publik NHK, duke cituar departamentin lokal të zjarrfikësve, tha se 67-vjeçari “nuk po tregon shenja jetike”.
Pas lajmit tronditës zyrtarë nga e gjithë bota kanë reaguar dhe kanë shprehur mbështetjen e tyre të sinertë për familjen e ish-kryeministrit.
Sekretari amerikan i Shtetit, Antony Blinken:
“Mendimet tona, lutjet tona janë me të, me familjen e tij, me popullin e Japonisë”, tha Blinken gjatë takimit të G20 në ishullin indonezian të Balit.
“Ky është një moment shumë, shumë i trishtuar. Dhe ne jemi në pritje të lajmeve nga Japonia.”
Ambasadori i Shteteve të Bashkuara Rahm Emanuel
“Ne të gjithë jemi të pikëlluar dhe të tronditur nga të shtënat ndaj ish-kryeministrit Abe Shinzo. Abe-san ka qenë një udhëheqës i shquar i Japonisë dhe aleat i palëkundur i SHBA-së. Qeveria amerikane dhe populli amerikan po luten për mirëqenien e Abe-san, familjes së tij dhe popullit të Japonisë.”
j.l./ dita
