Lionel Messi është zyrtarisht lojtar i ri i Inter Miami.
Përmes një videoje të postuar në rrjetet sociale nga klubi amerikan, tashmë çdo gjë quhet e mbyllur. Ai sezonin e ardhshëm do të jetë pjesë e Inter Miami.
Messi ka shprehur haptazi dëshirën për rikthimin në ekipin e tij të zemrës, por argjentinasi thotë se shumë gjëra ende mungonin në mënyrë që të ndodhte kthimi në Barcelonë.
Pjesë nga intervista e dhënë për mediat spanjolle:
Messi: “Doja shumë të kthehesha te Barça, e kisha atë ëndërr. Por pas asaj që ndodhi dy vite më parë, nuk doja të isha më në të njëjtën situatë, duke e lënë të ardhmen time në duart e dikujt tjetër…”.
Doja të merrja vendimin tim, duke menduar veten dhe familjen time.
Kam dëgjuar lajmet se La Liga ka dhënë dritën jeshile, por e vërteta është se shumë, vërtet shumë gjëra ende mungonin në mënyrë që të ndodhte kthimi im në Barcelonë.
Nuk doja të isha unë përgjegjësi që ata të shisnin lojtarë apo të ulin pagat. Unë isha i lodhur.
Nëse do të kishte qenë çështje parash, do të kisha shkuar në Arabi ose diku tjetër. Më dukeshin si shumë para.”
