Janë publikuar pamjet e ngjarjes së rëndë të ndodhur ditën e djeshme në aeroportin e Rinasit, ku një antentat mafioz la të vdekur Gilmando Danin si dhe plagosi Muçi Shaljanin, efektiv të AMP.
Atentati ndaj Danit, një emër i njohur për lidhjet e tij me botën e krimit, ka ndodhur rreth orës 14:20 të 11 nëntorit 2025.
Persona të paidentifikuar hapin zjarr me breshëri kallashnikovi, në drejtim të automjetit ku ndodhej viktima, i sapoardhur nga Spanja.
Ndaj mjetit është qëlluar në tre momente të ndryshme, ndërsa autorët ishin të maskuar dhe të veshur me uniforma që ngjajnë me ato të policisë.
Në këtë video makina shihet që ndalet. Pas disa sekondave afrohet një nga vrasësit dhe pasi sheh brenda nga xhami pas makinës për ndonjë reagim, del përpara dhe lëshon breshërinë fatale.
Momenti në video i përket pjesës së fundit të atentatit. Dy viktimat brenda kanë qenë me plumba në trup dhe në fund të jetës kur është kapur kjo pjesë nga kamerat. Kjo shpjegon pse makina rri e stopuar megjithëse e ka rrugën e lirë, ndërsa vrasësi afrohet.
Vetëm dy minuta pas atentatit, një autokolonë prej katër automjetesh zyrtare kalon pranë vendit të ngjarjes, sipas pamjeve të siguruara nga e njëjta burim.
Pas të shtënave, autorët janë larguar me shpejtësi në drejtim të Fushë-Krujës, ndërsa kalimtarë të rastit janë afruar për të ndihmuar personat brenda makinës.
Ajo që bie në sy është se në atë moment ka pasur edhe lëvizje të shumta të qytetarëve me makina të ndryshme, por për fatin e mirë asnjëri prej tyre nuk është qëlluar nga plumbat.
j.l./ dita
Duket pak si policeske kjo video.Pse kamera ndjek makinen e vrasesve? Kush e ka filmuar,pse nuk thuhet. Pse kamera fokusohet te vendi ku ndaloi makina,sikur ta dinte qe do ndalonte aty？ Duket me shume si skene filmi.