Një sherr mes një grupi policësh dhe një grupi qytetarësh është regjistruar mbrëmjen e djeshmë në Vlorë. Mësohet se ngjarja ka ndodhur në orët e vona të mbrëmjes së djeshme në hyrje të Lungomares në Vlorë. Më konkretisht bëhet me dije se sherri ndodhi rreth orës 01:30 minuta.
Nga videot e shpërndara në rrjet duket momenti kur një qytetar dhe disa policë janë duke u konfliktuar. Në video gjithashtu duket një polic i cili ka edhe një shkop gome i cili tenton të godasë qytetarin me të. Gjithashtu në sherr ndërhyjnë edhe disa qytetarë të tjerë të cilët mundohen të qetësojnë situatën. Ende nuk dihen shkaqet e kësaj përplasjeje, por dyshohet që konflikti të ketë nisur për sekuestrimin e disa monopatinave.
i.b./dita
