Alma Kaçi, vajza e shfaqur në video-skandalin me Safet Gjicin, është thirrur sërish sot nga Prokuroria e Posaçme.
Një burim hetimor tha se 40 vjeçarja u thirr “për të dhënë sqarime të mëtejshme”.
Ajo po hetohet në masë sigurie “arrest shtëpie”, e caktuar që prej 24 qershorit për akuzën e korrupsionit aktiv.
Kaçi u arrestua së bashku me ish-kryebashkiakun e Kukësit Safet Gjici pas video skandalit intim.
Gjici akuzohet se e ka favorizuar për një projekt për strehimin dhe kujdesin ndaj qenve endacakë në qytet.
