Një masakër ka ndodhur mbrëmjen e kaluar në një qendër tregtare në Kopenhagen të Danimarkës.
Tre persona raportohen të vrarë dhe tre të tjerë janë plagosur pas një sulmi me armë zjarri, që trondi vendin.
Një 22-vjeçar është arrestuar dhe akuzuar për sulmin, që shkaktoi panik mes blerësve në qendrën tregtare Field në jug të Kopenhagenit.
Shefi i policisë, Soeren Thomassen, tha se motivi ishte i paqartë dhe ai nuk mund të përjashtonte një “akt terrorizmi”.
Kryeministrja Mette Frederiksen tha se Danimarka kishte pësuar një sulm mizor.
Duke dërguar ngushëllime për ata që kishin humbur të dashurit, ajo tha se dëshironte të inkurajonte danezët të qëndrojnë së bashku dhe të mbështesin njëri-tjetrin në këtë moment të vështirë.
“Danimarka u godit nga një sulm mizor natën e së dielës”, tha ajo. “Disa u vranë. Edhe disa u plagosen. Kryeqyteti ynë i bukur dhe zakonisht kaq i sigurt u ndryshua në një sekondë”, shtoi ajo.
People flee a shooting in a Copenhagen mall that left several victims, Danish police said. One arrest has been made in connection with the shooting. pic.twitter.com/7l7dWEqcKw
— Press TV (@PressTV) July 3, 2022
Personat që ndodheshin në qendër tregojnë se kanë dëgjuar të shtëna të shumta me armë zjarri, teksa brenda qendrës tregtare ka shpërthyer menjëherë kaosi. Ngjarja ndodhi rreth orës 17:00 të pasdites së djeshme, ku nënat u panë duke kapur në krah foshnjet e tyre, ndërsa blerësit e qytetarët u larguan të tmerruar nga skenat horror.
Emilie Jeppesen, 20 vjeçe, i tha mediave të Danimarkës: “Nuk e dinim se çfarë po ndodhte. Papritur kishte vetëm kaos kudo. Ne ishim ulur dhe po prisnim për të ngrënë dhe papritmas pamë njerëz që vraponin. Pastaj ne fillimisht menduam ‘pse po vrapojnë këta njerëz?’ Por më pas ne mund të dëgjonim të shtëna”.
#BREAKING shooting rampage in Copenhagen, Denmark; Several people shot according to Danish police
pic.twitter.com/ywh4RJvt6k
— Amichai Stein (@AmichaiStein1) July 3, 2022
j.l./ dita
Emrat, emrat! Perse mbahen sekret? Se mos eshte nga ata qe bejne vrasje per pasion!… Cilet jane keta killera qe e ndotin edhe Danimarken?