Një ngjarje e rëndë është shënuar gjatë natës, ku është qëlluar me armë drejt godinës së televizionit Top Channel dhe ka mbetur i vdekur një roje i sigurisë private.
“Më datë 27.03.2023, rreth orës 01:00, në Mëzez, në rrethana ende të paqarta, nga persona ende të paidentifikuar, është qëlluar me armë zjarri në drejtim të ambienteve të Top Channel. Si pasojë e të shtënave ka humbur jetën roja i sigurisë shtetasi Pal Kola, 60 vjeç (punonjës i një shoqërie për ruajtjen fizike të objekteve)”, njofton Policia.
Të shtënat me breshëri të armëve janë ndjerë edhe nga banorët e emisionit Big Brother, konkretisht banorët me emrat Qetsori dhe Kristi të cilët janë shqetësuar nga breshëria e armës.
Shërbimet e Policisë kanë ngritur pikat e kontrolleve dhe vijon puna për identifikimin e kapjen e autorëve.
View this post on Instagram
j.l./ dita
