Ky Papë quhej Enea Silvio Piccolomini. Qysh para se të ngjitej në Katedralen e Shën Pjetrit si Papa Piu II përbën një histori kërshërore tipike për figurat e spikatura të humanizmit europian.
Enea Silvio lindi më 19 tetor 1405. Ndonëse është fjala për një rastësi, nuk mund të mos vihet re që rezulton pikërisht bashkëmoshatar me Gjergj Kastriotin.
I përkiste një dere të madhe nga qyteti i Sienës: Piccolomini.
Të dhënat gjenden në librin “Shqipëria dhe shqiptarët në Europën e Piut II”, me autor Aurel Plasari.
Në materialet latinisht e shqip të Plasarit, botuar në gazetën DITA, tregohet se depërtimi turko-osman në rajonin juglindor të Europës sot të njohur si Ballkan ishte bërë për Europën e krishtere shqetësimi i madh, dhe ç’është e vërteta, funksionoi edhe si detyrim për ndërhyrje në rajon.
Papa Piu II kujdesej personalisht për frontin e luftës antiturke. Ishte një front prej 500 miljesh, Hungari, Bosnjë, Serbi, Arbëri.
Njësoj si sot, shqiptarët haheshin mes njëri tjetrit. Ky papë donte të shuante sherret në Arbëri, mes Lek Dukagjinit dhe Skënderbeut, pasi pengonin unifikimin kundër turqve.
Shihni më poshtë video-kronikën nga DITA.
Shkrimin e plotë mund ta lexoni KËTU.
