VIDEO: Vdes Presidenti iranian, dalin pamjet e rrënojave të helikopterit të rrëzuar

Një helikopter është rrëzuar pasditen e kësaj të diele në të cilin po udhëtonin presidenti i Iranit Ebrahim Raisi dhe ministri i Jashtëm iranian Hossein Amir-Abdollahian.

Sipas raporteve të mediave vendase helikopteri – një nga tre që udhëtonte në një kolonë – bëri një “ulje të vështirë” pasi u gjend në vështirësi për shkak të mjegullës së rëndë që kishte përfshirë vendin.

Presidenti i Iranit, Ebrahim Raisi dhe ministri i Jashtëm, Hossein Amir-Abdollahian, është shpallur i vdekur së bashku me të tjerët që ishin në bordin e helikopterit që u rrëzua në Iran.

“Ajatollah ra dëshmor”, shkruan agjencia e lajmeve Tasnim në një postim.

Lajmi është transmetuar edhe nga agjencia iraniane e lajmeve Mehr, duke thënë se të gjithë ata që ishin në bordin e helikopterit “u bënë dëshmorë”.

63-vjeçari, një figurë që përfaqëson fraksionet konservatore dhe të linjës së ashpër në politikën iraniane, ishte president për gati tre vjet dhe u shfaq në rrugën e duhur për të kandiduar për rizgjedhje vitin e ardhshëm.

Pamjet me dron të rrënojave të helikopterit të marra nga Gjysmëhëna e Kuqe treguan vendin e rrëzimit në një kodër të pjerrët, të pyllëzuar, me disa pjesë të mbetura nga helikopteri.

Përplasja e helikopterit ditën e djeshme ndodhi teksa Raisi dhe ministri i Jashtëm, Hossein Amir-Abdollahian po ktheheshin nga një ceremoni për hapjen e një dige në kufirin e Iranit me Azerbajxhanin, njoftoi media shtetërore.

Midis viktimave që ishin në bord ishin tre anëtarë të ekuipazhit, guvernatori i provincës së Azerbajxhanit Lindor, një imam, shefi i sigurimit të Raisit dhe një truproje, sipas medias Sepah të drejtuar nga IRGC.

#BREAKING Drone footage captured by volunteer forces assisting Iran’s Red Crescent shows the wreckage of Raisi’s doomed chopper. pic.twitter.com/QECJcu1oXe

— Iran International English (@IranIntl_En) May 20, 2024

j.l./ dita