Një video nga festa e e organizuar në shtabin e Milatoviçit, presidentit të ri të Malit të Zi, po bëhet virale në rrjet. Në video shihet kryeministri malazez Dritan Abazoviç i cili qëndron me “dy mendje” përballë një gote vere, duke mos ditur nëse duhet të ngrerë apo jo dolli.
Sikurse duket edhe nga videoja, në shtabin e Milatoviçit në ato momente po festohej, ndërsa në prapavijë zbuloheshin shifrat e rezultateve nga raundi i dytë. Aty kishte edhe shampanjë, verë e pije tjera të ndryshme alkoolike, dhe Abazoviç në një moment zgjatet i menduar për të marrë një gotë verë, por “heq dorë” nga ideja në moment të fundit.
Megjithëse nuk dihet arsyeja se pse hoqi dorë, reagimi i tij nxiti të qeshura në rrjet ndërsa përdoruesit e medieve sociale nuk kanë hezituar “të shfrenojnë” imagjinatën duke hamendësuar ç’ndodhi.
m.b./dita
Sjetio se da je Ramazan 😆 #izbori2023 pic.twitter.com/TtdSwnZaVo
— 1️⃣od💯za1️⃣ (@Nermin007) April 2, 2023
