Është vënë në pranga një 43-vjeçar, i cili pak ditë më parë grabiti një dyqan telefonash dhe një argjendari.
Për këtë të fundit duket se Afrim Dulaj ka përdorur një ‘teknikë filmash’, teksa ka sharruar pjesën e çatisë së dyqanit, dhe përmes një teli të improvizuar, i ka kapur varëset dhe i ka nxjerrë.
Policia bën me dije se vlera e florinjve të vjedhura shkonte në 10 milion lekë.
43 vjeçari është banues në Tiranë.
Në vjedhjen e parë ai kërcënoi me një armë zjarri pistoletë duke vjedhur disa aparate celulare, në një dyqan në rrugën “Myslym Shyri”.
Në grabitjen e dytë ka hequr dorë nga dhuna dhe ka përdorur dinakërinë për të vjedhur disa aksesorë floriri në një argjendari në Rrugën e Dibrës.
Policia tha se materialet procedurale i kaluan Prokurorisë për veprime të mëtejshme.
j.l./ dita
