Presidenti i Shteteve të Bashkuara, Joe Biden, ka mbërritur në Irlandën e Veriut, për 25 vjetorin e Marrëveshjes së të Premtes së Mirë. Biden do të qërndrojë tre ditë në Republikën e Irlandës.
Duke folur me gazetarët përpara se të hipte në Air Force One, Biden tha se gjatë udhëtimit kërkonte të garantonte trashëgiminë e qëndrueshme të marrëveshjes, të ndërmjetësuar nga Uashingtoni dhe të ratifikuar nga Londra dhe Dublini.
Marrëveshja e së Premtes së Mirë, e njohur gjithashtu si Marrëveshja e Belfast-it, vendosi një paqe të brishtë midis partive unioniste që dëshironin që Irlanda e Veriut të mbetet pjesë e Mbretërisë së Bashkuar dhe nacionalistëve që favorizojnë bashkimin me Republikën e Irlandës.
Marrëveshja i dha fund kryesisht tre dekadave të dhunës që la më shumë se 3,500 njerëz të vdekur.
m.b./dita
