Gjykata e Krujës ka vendosur arrest në burg 60 ditë për dy vëllezërit Sajmir dhe Landi Miri, të arrestuar si persona të dyshuar për vrasjen e 34-vjeçarit Indrit Ndoji në Fushë-Krujë, ngjarje e ndodhur më 21 Tetor.
Trupi gjykues i ka dhënë kohë Prokurorisë të mbledhë prova të reja mbi autorët e dyshuar.
Ndërkohë dy vëllezërit Miri nuk e kanë pranuar krimin. Por policia pretendon se e ka të provuar implikimin e vëllezërve.
Indrit Ndoji u gjet i vdekur në një kanal pranë shtëpisë së prindërve të tij. Ai ishte qëlluar me kaçavidë në këmbë dhe kishte humbur jetën si pasojë e gjakderdhjes.
o.j/dita
