Automjeti i cili dyshohet se u përdor nga vrasësit e Nikolin Lekstakajt, raportohet të jetë gjetur këtë të enjte në Gjadër të Lezhës.
Makina është gjetur e djegur dhe brenda saj ishte edhe arma që dyshohet se u përdor nga atentatorët.
42-vjeçari Nikolin Lekstakaj u ekzekutua pasditen e së mërkurës në fshatin Balldre të Lezhës, dyshohet për shkaqe hasmërie.
Deri më tani policia nuk ka ende një autor të dyshuar për ngjarjen e rëndë, ndërsa gjatë ditës së sotme janë shoqëruar disa persona. Të shoqëruarit janë kryesisht nga fisi i Nikulajve, por deri më tani nuk ka asnjë person të arrestuar.
o.j/dita
