Gjykata e Elbasanit ka dënuar me 22 vite burg Arbër Paplekajn për vrasjen e Pjerin Xhuvanit në prillin e vitit 2021, pak ditë para zgjedhjeve parlamentare.
Për të akuzuarin kryesor, Arbër Paplekaj, prokuroria kërkoi më herët dënimin e tij me 25 vite burgim, ndërsa për ish-drejtuesit dhe punonjësit e policisë, dënimin e tyre me shërbim prove.
Ndërkohë, gjykata ka dhënë dënimin me një vit shërbim prove për Nikollaq Pallën dhe Albert Nushi, dy ish-zëvendësdrejtorë të policisë së Elbasanit në kohën kur ndodhi vrasja. Ndërkohë, për 6 efektivët e policisë është dhënë dënimi me 16 muaj shërbim prove.
Në seancën e parafundit, ish-efektivi i RENEA-s, Arbër Paplekaj dhe avokati i tij, kanë parashtruar konkluzionet përfundimtare. Sipas tyre, prokuroria nuk e ka risjellë ngjarjen ashtu siç ka ndodhur, duke kërkuar që të ndryshohet cilësimi juridik, nga vrasje në rrethana cilësuese, në vrasje në kushtet e vetëmbrojtjes.
p.k\dita
