Pak pas mesnate, në orët e para të mëngjesit të sotëm, rreth 01:00, në Mëzes, tek Top Channel pranë Big Brother u regjistruan të shtëna me armë.
Nga ngjarja mbeti i vdekur roja i televizionit.
Persona të paidentifikuar kanë qëlluar me breshëri në drejtim të godinës duke vrarë rojën Pal Kola.
60-vjeçari ka ndërruar jetë në vend, ndërsa autorët janë larguar në drejtim të paditur. Në vendin e ngjarjes janë gjetur mbi 26 gëzhoja, teksa ende nuk dihen motivet e ngjarjes së rëndë.
Ndërkohë është gjetur e djegur makina që dyshohet se është përdorur nga autorët që qëlluan me armë drejt godinës së Top Channel.
Mjeti tip “Range Rover” është gjetur në autostradën Tiranë-Durrës ku në brendësi janë konstatuar 2 kallashnikovë.
Mësohet se roja i sigurisë ka qenë duke u ngrohur pranë një ngrohëse që ka pasur brenda kabinës në momentin që është qëlluar me breshëri plumbash.
Autorët kanë zbrazur të gjithë karikatorin e njërës prej armëve, teksa armët brenda makinës janë shkrumbuar tërësisht, duke lënë pas pak prova.
j.l./ dita
