Merr fund një nga proceset e bujshme, për vrasjen e këngëtarit kontrovers amerikan. Tre persona janë dënuar me burgim të përjetshëm për vrasjen e reperit amerikan “XXX Tentacion”, gjatë një grabitjeje. Reperi amerikan u qëllua jashtë një dyqani motoçikletash në Florida ndërsa iu grabitën 50,000 dollarë në 2018. Reperi kontrovers 20-vjeçar, i cili qëndron ende në krye të top-listave, u bë i famshëm me dy albume të suksesshme radhazi. Michael Boatëright, 28, Dedrick Williams, 26 vjeç dhe Trayvon Newsome, 24 vjeç, u shpallën fajtorë për vrasje të shkallës së parë dhe grabitje të armatosur. Ata nuk do të kenë asnjë shans për lirim me kusht apo lirim të parakohshëm. Reperi u vra në vitin 2018 teksa ishte duke lëvizur me makinë me një shok. Një tjetër mjek u preu rrugën dhe dy persona të armatosur qëlluan kundrejt tij Më pas ata morën një çantë Louis Vuitton që përmbante 50 mijë dollarë dhe më pas u larguan me shpejtësi. Reperi nuk u mbijetoi dot plagëve që mori.
Boatwright u identifikua si sulmuesi kryesor dhe Newsome u akuzua se ishte personi tjetër i armatosur. Williams u akuzua se drejtonte fuoristradën. Gjatë dënimit, menaxheri i reperit të ndjerë, Soloman Sabande, duke dhënë një deklaratë në emër të familjes së yllit, tha se ai u vra “pa kuptim”. “Ai ishte një rreze shprese për të gjithë atë të rinjtë dhe muzikën e tij”, tha ai.
