I gjithë qyteti i Napolit shpërtheu në festë pas përfundimit të ndeshjes së skuadrës pompei ndaj Udineses. E udhëhequr nga magjia e Kvaratskhelia dhe golashënuesi Osimhen, skuadra napolitane fitoi titullin e tretë të ligës, i pari në 33 vjet. Por jo gjithçka në festë ishte e gëzueshme. Gjatë festës që u bë, raportohet se u vra djali i një prej bosëve të mafies napolitane, ‘Camorra’.
Vincenzo Costanzo, 26 vjeç, ishte “në dosje” në policinë italiane për shkak të së shkuarës së tij kriminale, teksa gjatë festës në rrugët e Napolit u qëllua për vdekje. I ndjeri ishte djali i Maurizio Costanzo, i dënuar për shoqatë mafioze dhe i konsideruar si një nga drejtuesit e ‘Camorra’-s në lagjen Ponticelli, një vend ku ka armiqësi të madhe mes klaneve të ndryshme. Siç konfirmohet nga policia italiane, Costanzo ka ndërruar jetë në spital si pasojë e plagëve të marra nga plumbat. Për momentin, si prokurorët ashtu edhe karabinierët italianë po hetojnë nëse ai u vra nga një klan rival i ‘Camorra’ apo nëse ishin të shtëna aksidentale. Ka dhe dyshime se autorët shfrytëzuan festimet për të realizuar qëllimin e tyre.
