Presidenti i Serbisë, Aleksandar Vuçiç ka deklaruar pas takimit me të dërguarin e posaçëm të Bashkimit Evropian për dialogun Kosovë-Serbi, Mirosllav Lajçak, se biseda ka qenë e hapur dhe miqësore.
Në rrjetin social Instagram, Vuçiç ka postuar foton pas takimit që pati më 6 shkurt në Beograd me emisarin evropian ndërsa shkruan: “Një bisedë e hapur dhe miqësore me Miroslav Lajcak.
Kur them e hapur, me të vërtetë e mendoj këtë”, tha ai.
Para takimit, Vuçiç postoi një video-mesazh në Instagram, në të cilin tha se do të “vazhdojë të mbrojë Serbinë” dhe se Perëndimi “mund të ëndërrojë për njohjen reciproke” të Beogradit ndaj Prishtinës.
Paraprakisht mediat në Beograd kanë njoftuar se Vuçiçi në mbledhjen e sotme të Partisë Progresive serbe ka thënë se është i gatshëm të shkojë në zgjedhje të parakohshme si kandidat për kryeministër dhe se “nuk do t’i dorëzohet shantazheve të Perëndimit, Partisë Socialiste të Serbisë (të Ivica Daçiqit) dhe djathtistëve të rrejshëm”.
m.b./dita
