Ministri i Punëve të Jashtme të Serbisë, Ivica Daçiç tha se serbët do të jenë faktori vendimtar nga i cili do të varen rezultatet në raundin e dytë të zgjedhjeve presidenciale në Mal të Zi.
Daçiç ka komentuar rezultatet e zgjedhjeve presidenciale në Mal të Zi për TV Pink dhe shtoi se për këtë ka diskutuar edhe me presidentin e Serbisë Aleksandar Vuçiç.
Të dy së bashku e kanë konsideruar të rëndësishme faktin se kandidatët që mbledhin votat serbe kanë arritur një rezultat të mirë, sipas Daçiç.
“Serbët, praktikisht në raundin e dytë do të vendosin se kush do të jetë presidenti i ri i Malit të Zi. Dua të përgëzoj Andrija Mandiç në emër të Republikës së Serbisë për këtë rezultat, i cili u arrit në kushte shumë specifike. Kjo është shumë domethënëse sepse tregoi forcën e atyre organizatave që mund të thuhet se përfaqësojnë të drejtat dhe interesat e popullit serb”, tha Daçiç.
Ai shtoi se Vuçiç mezi pret që të zgjidhet presidenti i ri i Malit të Zi, në mënyrë që Serbia dhe Mali i Zi të ndërtojnë marrëdhënie vëllazërore dhe miqësore, si dy vende që nuk kanë qenë kurrë në luftë dhe që duhet të kërkojnë interesa të përbashkëta.
j.l./ dita
