Grupi ushtarak ‘Wagner’ njoftoi se po tërhiqet nga Bakhmut dhe do t’ia dorëzojë kontrollin e qytetit lindor ushtrisë ruse.
Autoritetet ushtarake në kryeqytetin ukrainas të Kievit kanë raportuar për një rrezik të shtuar të sulmeve me raketa ruse në orët e para të mëngjesit të sotëm.
Mediat e huaja raportojnë se pritet për sulm ajror në 11 rajone të Ukrainës.
Ata thanë se mbrojtja kundërajrore po funksiononte në të gjithë rajonin. Administrata ushtarake e Kiev njoftoi se Ukraina rrëzoi 10 raketa dhe mbi 20 dronë të lëshuar nga Rusia në sulmet e natës në kryeqytetin Kiev, qytetin e Dnipros dhe rajonet lindore.
Gjithashtu, një anije ruse u godit nga një anije sipërfaqësore pa pilot në Detin e Zi.
Ndërkohë Rusia shkatërroi një digë në rajonin lindor të Donetskut, duke i lënë fshatrat përreth në rrezik përmbytjeje, sipas një zyrtari ukrainas.
Më shumë se 200 fëmijë ende nuk janë evakuuar nga fshatrat në rajonin lindor të Donetskut të Ukrainës.
Nga ana tjetër, SHBA ka vendosur sanksione ndaj kreut të grupit Wagner në Mali mes akuzave për komplot armësh.
Një marrëveshje është arritur mes Putin dhe Lukashenkos, ku Rusia tashmë ka filluar transferimin e armëve bërthamore taktike në Bjellorusi.
j.l./ dita
