Youtuberi i njohur, Mr. Beast ka zbuluar se ishte i ftuar në udhëtimin tragjik me nëndetësen “Titan”.
Krijuesi i famshëm në internet shkroi në llogarinë e tij në Twitter se pesë udhëtarë që paguanin deri në 195,000 £ një biletë u konfirmuan të vdekur pas një “shpërthimi katastrofik”.
Pas lajmit për vdekjen tragjike të udhëtarëve, Beast shkroi: “Isha i ftuar në fillim të këtij muaji për të hipur edhe unë në nëndetëse, thashë jo. Disi e frikshme që mund të kisha qenë në të”.
Ai postoi mesazhin që i erdhi në telefon, duke e ftuar të bëhej pjesë e bordit gjatë udhëtimit me nëndetësen “Titan”.
Fansat u tronditën nga postimi i Youtuber-it dhe iu drejtuan komenteve për të ndarë mendimet e tyre.
Nëndetësja “Titan” u nis në orën 6 të mëngjesit të së dielës së kaluar me pesë pasagjerë në bord, por anija u zhduk 435 milje në jug të St John’s, Newfoundland, Kanada, pas një ore e gjysmë në udhëtimin e rrënojave të Titanikut.
“Titan” pësoi një shkatërrim strukturor pranë anijes fatkeqe, e cila shtrihet 12,500 metra nga sipërfaqja e shtratit të detit.
Sipas ekspertëve, pasagjerët në bord vdiqën menjëherë.
j.l./ dita
