Më 13 dhjetor, në Rocca Priora të Italisë u regjistrua një ngjarje e rëndë. Në banesën e tij, u ekzekutua me armë zjarri nga dy persona shqiptari Petrit Caka. Porositësja e atentatit ishte vetë gruaja e të ndjerit.
Shkaku pse bashkëshortja pagoi dy vrasës për të ekzekutuar burrin e saj, ishin abuzimet e tij të shpeshta ndaj saj. I ndjeri mësohet se e dhunonte vazhdimisht gruan, ndaj dhe kjo e fundit gjeti zgjidhje të vetme vrasjen e tij.
Vrasësit që zbatuan urdhrin e gruas shqiptare, ishin dy shqiptarë të cilët udhëtuan nga Shqipëria në Itali dhe vranë Cakën. Vrasësit nga Shqipëria inskenuan një grabitje në shtëpinë e shqiptarit e më pas e vranë me thikë duke i shkaktuar një sërë plagësh në qafë dhe në trup me pasojë vdekjen dhe më pas u kthyen në Shqipëri. Pas një sërë hetimesh, policia ka arrestuar shqiptaren që pagoi persona për të vrarë burrin e saj.
E lodhur nga abuzimet e shumta nga bashkëshorti i saj gjeti si zgjidhje të vetme “shpëtimi” vrasjen e tij e kështu aktivizoi të vëllanë për të gjetur vrasës me pagesë. Sipas mediave italiane, karabinierët e njësisë hetimore të Grupit Frascati u vunë në gjurmët e vrasësve dhe mundën të identifikonin mjetin e përdorur dhe rrugët e përshkuara prej tyre atë ditë.
Ka qenë vetë gruaja ajo që i dha alarmin karabinierëve se gjoja zbuloi trupin e bashkëshortit të vrarë pas një grabitje në shtëpi, por më pas skenari i ngjarjes ndryshoi totalisht duke nxjerrë zbuluar porositësit dhe vrasësit e shqiptarit Petrit Caka.
