Një test klinik premtues sapo ka përfunduar dhe rezultatet e tij, të publikuara në revistën “Nature”, u japin shpresë mjekëve dhe pacientëve me kancer. Ilaçi rebumenib, një frenues i ri i meninës (proteinë) solli zhdukjen e anemisë akute mieloide në 18 pacientë.
Një pjesë e madhe e pacientëve me leuçemi akute, si të rritur ashtu edhe fëmijë, iu përgjigjën mirë trajtimit me rebumenib, i cili mund të përdoret në zhvillimin e terapive më të komplikuara. Ky trajtim duket të jetë efektiv në rastet e kancerit të shoqëruar me një rirregullim të gjenit MLL1 ose një mutacion në gjenin NPM1.
“Të dyja këto lloje mbështeten në menin për të vazhduar rritjen,”- komentoi një nga autorët e studimit, Scott Armstrong, MD, PhD, profesor i pediatrisë në Shkollën Mjekësore të Harvardit.
Konkretisht, janë kryer dy studime. Në të parën, studiuesit testuan efektivitetin e rebumenib si një frenues menin në 68 pacientë me leuçemi akute, të cilët nuk i ishin përgjigjur të gjitha trajtimeve të mëparshme. 53% e pacientëve iu përgjigjën ilaçit, ndërsa 30% (d.m.th. 18) nuk ia dolën dot. Në ciklin e dytë të trajtimeve, edhe pse, disa pacientë zhvilluan rezistencë ndaj substancës aktive e cila, siç u pa në studimin e dytë, ishte e lidhur me një mutacion gjenik (MEN1).
Siç theksoi Dr Armstrong, gjetjet e reja konfirmojnë se “menina është një objektiv i rëndësishëm terapeutik në të dyja këto lloje të leuçemisë akute mielogjene me një sfond gjenetik”. Prandaj është e mundur që ato të na afrojnë me trajtimin e formave agresive të kancerit ku, në disa raste, jetëgjatësia nuk i kalon mbi tre vjet.
o.j/dita
