Zbulohet magazina me mbi 10 mijë suplemente ushqimore e bimore të skaduara në Tiranë.
Operacioni ‘Audienca’, shpallet në kërkim Jasmin Trebo, administratori nga Bosnjë dhe Hercegovina.
Bëhet me dije se suplementet, mbaheshin për llogari të një subjekti me aktivitet ndërkombëtar në fushën e reklamimit dixhital.
Njoftimi i policisë:
Finalizohet nga Seksioni për Hetimin e Krimeve Ekonomiko-Financiare dhe Prokuroria, operacioni i koduar “Audienca”.
Zbulohet se në një magazinë në Tiranë, mbaheshin për llogari të një subjekti me aktivitet ndërkombëtar në fushën e reklamimit dixhital, suplemente të skaduara dhe të kontrabanduara.
Sekuestrohen mbi 10 000 suplemente ushqimore dhe bimore.
Shpallet në kërkim administratori i subjektit (shtetas nga Bosnja dhe Hercegovina), si dhe procedohen penalisht 2 punonjës.
Pas një hetimi me metoda proaktive, kryer në drejtimin e Prokurorisë së Tiranës, për të dokumentuar paligjshmëritë që kryheshin në magazinën në kryeqytet, të një subjekti me aktivitet ndërkombëtar në fushën e reklamimit dixhital, u finalizua operacioni i koduar “Audienca”.
Nga kontrolli i ushtruar në ambientet e subjektit, specialistët e Seksionit për Hetimin e Krimeve Ekonomiko-Financiare gjetën dhe sekuestruan aty, mbi 10 000 suplemente ushqimore dhe bimore të skaduara, pa pullën e Agjencisë së Barnave dhe pa atë të Ministrisë se Financave, si dhe pa etiketa në gjuhën shqipe.
Në vijim të veprimeve procedurale për rastin, u shpall në kërkim administratori i subjektit, shtetasi nga Bosnja dhe Hercegovina, J. T., 53 vjeç, si dhe u proceduan penalisht punonjësit që ishin në ambientet e subjektit, shtetasit J. G., 30 vjeç dhe M. Ç., 26 vjeç.
Punohet për kapjen e 53-vjeçarit.
Materialet procedurale iu referuan Prokurorisë së Tiranës, për veprime të mëtejshme, për veprat penale “Kontrabanda me mallra të tjera”, “Ruajtja apo depozitimi i mallrave kontrabandë”, “Tregtimi dhe transportimi i mallrave që janë kontrabandë”, “Fshehja e të ardhurave” dhe “Importimi, prodhimi, shitja dhe ruajtja e ushqimeve të rrezikshme për shëndetin ose jetën e njerëzve”.
j.l./ dita
Biznesmene te babezitur
Vareni kriminelin !!!!!!!!
Gjeni shqiptaret qe lejuan te futen malgrado te skaduara,po nuk rregullohet asgje te ne,ketu ushqimet e skaduara ,kosi erzeni lufra me miele qumeshti 100% e shesin si kos bio,djathi po ashtu,mishi po ashtu ,fruta perime me perqindje te larte medikamentesh,te gjithe e dine askush nuk ben asgje,se marin leke korruptohen.askush nga te korruptuarit nuk denohet se gjykatesi korruptohet..!!!hajdutet metà e veliaj e disa te tjere ,kane vjedhdut dhe jane ne burg,se askush smundi ti mbronte me,edhe ishin pengese per kry hajdutin tieter,kete vend e ka mare lumi me kohe
Shkoni tek magazinat e frutave te thata me shumice, aty ku paketohen pakot dhe u vihet data e skadences po nga vete pronari. daten e skadences e ka pas 2 vjetesh ndersa brenda kane skaduar me kohe.