Zbulohet plani për vrasjen e kreut të LDK, identifikohen autorët

Një atentat është planifikuar ndaj kryetarit të Lidhjes Demokratike të Kosovës, Lumir Abdixhiku dhe disa deputetëve të kësaj force politike.

Lajmin e bënë të ditur mediat e Kosovës, të cilat bëjnë me dije se këto informacione, gjatë ditës së sotme, kanë shkuar sot në adresë të partisë nga shërbimet partnere.

Ndërkohë Policia e Kosovës ka konfirmuar se është duke u marrë me rastin në fjalë dhe Zyra për Informim e Policisë së Kosovës ka njoftuar se drejtoria kompetente ka ndërmarrë të gjitha veprimet e nevojshme.

“Të gjitha veprimet e mëtejme policore do të ndërmerren në bashkëpunim dhe koordinim me organet e drejtësisë”, thuhet më tej në njoftim.

Shërbimet partnere të Kosovës thanë se grupi që do të kryente atentatet ndaj zyrtarëve të partisë më të vjetër në vend, tashmë është identifikuar. m.b./dita