Një vatër zjarri është shfaqur në Malin e Moravës, në territorin e Bashkisë Devoll, pasditen e së enjtes.
Zjarri ka përfshirë një sipërfaqe me shkurre, barishte, bimësi të shkurter dhe një pjesë me lajthi.
Situata është e vështirë, pavarësisht ndërhyrjeve nga forcat zjarrfikëse dhe vullnetarët, pasi flakët favorizohen nga era e fortë.
Ndërhyrja vijon ende nga shërbimi zjarrfikës, ku në terren po punojnë 7 prej tyre, ndërsa po japin ndihmë edhe banorë të zonës.
