Zjarr në urgjencën e QSUT, të sëmurët transportohen me ambulancë në Sanatorium

Një zjarr është raportuar në orët e para të mëngjesit të sotëm në ambientet urgjencës në Qendrën Spitalore Universitare “Nënë Terezë” në Tiranë.

Mësohet se të sëmurët janë transportuar me ambulancë në Spitalin e Sanatoriumit në Sauk.

Pacientët janë evakuuar për shkak të rrezikshmërisë së tymit.

Sipas zjarrfikëses së Tiranës situata është nën kontroll, por po punohet ende.

Në vendin e ngjarjes kanë shkuar forcat zjarrfikëse.

Ndërkohë nuk dihen ende rrethanat e rënies së zjarrit, policia dhe grupi hetimor po punon për të zbardhur shkakun.

Qendra Spitalore Universitare “Nënë Tereza” ka reaguar në lidhje me zjarrin e rënë në orët e para të mëngjesit të sotëm (11 shkurt) në ambientet e katit -1 të Urgjencës së re.

Në reagim thuhet se menjëherë pas rënies së zjarrit janë marrë masat për sigurimin e pacientëve të shtruar, ndërsa situata u vu nën kontroll.

QSUT sqaron se pacientët janë të gjithë jashtë rrezikut për jetën dhe situata paraqitet e qetë.

Reagim për Media nga QSUNT:

Në orët e para të mëngjesit të ditës së sotme në katin -1 të godinës së QSUT është raportuar tym.

Menjëherë janë marrë masat për sigurimin e pacientëve të shtruar dhe situata u vu nën kontroll në një kohë rekord dhe shkaqet e tymit po hetohen.

Situata është në monitorim të vazhdueshëm dhe pacientët janë të gjithë jashtë rrezikut për jetën, falë anagazhimit të personelit mjekesor dhe atij zjarrefikës.

Çdo gjë është nën kontroll dhe gjendja paraqitet e qetë.

j.l./ dita