Zëvendëskryeministri Dominic Raab ka dhënë dorëheqjen nga qeveria pasi një raport që hetonte akuzat e ngritura ndaj tij për ngacmim, iu dorëzua kryeministrit Rishi Sunak.
Raab tha se kishte premtuar të jepte dorëheqjen nëse hetimi do të zbulonte prova se ai kishte ngacmuar dhe bullizuar stafin e tij.
Ankesat për sjelljen e Raab nga disa nëpunës civilë u hetuan nga avokati i lartë Adam Tolley KC.
Kolegët e Raab, të cilët nuk janë përfshirë në hetim, kanë thënë se ai mund të jetë “shumë nënçmues” në disa raste, madje disa herë ka bërë një anëtar të stafit të qajë.
Wes Streeting i Laburistëve, më herët e akuzoi Sunak si të dobët, pasi mori kohë për të shqyrtuar raportin dhe nuk veproi menjëherë.
Por, Sekretari i Transportit Mark Harper mbrojti kryeministrin, duke thënë se donte të informohej me të gjitha detajet.
The Guardian raporton se sipas Harper, Sunak ka të drejtën për të vonuar vendimin për raportin e bullizmit të Raab.
Dhjetra njerëz, përfshirë vetë Raab, dhanë dëshmi për hetimin, i cili filloi nëntorin e kaluar.
j.l./ dita
