Presidenti i SHBA-ve, Donald Trump, ka paralajmëruar Iranin se do të përballet me një përgjigje të ashpër ushtarake nëse Teherani ndërmarr hapa për të vrarë udhëheqësin amerikan. Me anë të një postimi në Truth Social, Trump thekson se nëse e Irani e “prek”, ka urdhëruar ushtrinë amerikane për ta goditur me 1 mijë raketa Republikën Islamike.
Sipas Axios, administrata Trump i ka dërguar një ultimatum Teheranit, duke kërkuar që Irani të deklarojë publikisht se Ngushtica e Hormuzit do të mbetet e hapur për lundrimin ndërkombëtar dhe të angazhohet për ndalimin e sulmeve ndaj anijeve tregtare.
“1,000 raketa janë të ngarkuara dhe të bllokuara dhe të synuara drejt Republikës Islamike të Iranit, me mijëra të tjera që do të pasojnë menjëherë, nëse Qeveria iraniane vepron sipas kërcënimit të saj, të bërë në shumë cepa të botës, për të vrarë ose për të tentuar të vrasë Presidentin në detyrë të Shteteve të Bashkuara të Amerikës, në këtë rast, mua! Urdhrat janë dhënë tashmë dhe ushtria amerikane është e gatshme, e gatshme dhe e aftë, për një periudhë prej një viti, me mundësi zgjatjeje, të shkatërrojë plotësisht të gjitha zonat e Iranit”, theksoi Presidenti i SHBA-së Donald Trump në një postim në Truth Social.
Më herët Wall Street Journal, kanë raportuar se Izraeli i kishte ndarë Shteteve të Bashkuara informacione sipas të cilave Irani po shqyrtonte një plan për të vrarë Donald Trump. Sipas këtyre raportimeve, Teherani vazhdon ta konsiderojë si objektiv hakmarrjen ndaj Trump për vrasjen e Qassem Soleimanit, ish-gjeneralit të lartë të Gardës Revolucionare iraniane, i cili u vra gjatë mandatit të parë presidencial të presidentit amerikan në një sulm të urdhëruar nga SHBA.
Ultimatumi për Hormuzin
Axios raportoi se administrata Trump po kërkon që Irani të pranojë publikisht se Ngushtica e Hormuzit mbetet e hapur dhe të angazhohet për t’i dhënë fund sulmeve ndaj anijeve tregtare. Mesazhi është përcjellë si drejtpërdrejt ashtu edhe përmes ndërmjetësve rajonalë, sipas tre zyrtarëve amerikanë që informuan gazetarët të premten.
Sot Ministri i Jashtëm iranian Abbas Araghchi dhe Ministri i Jashtëm i Omanit Sayyed Badr al-Busaidi pritet të takohen të shtunën në Muscat për të diskutuar krizën në Ngushticën e Hormuzit. Siç ka raportuar Axios në javët e fundit, edhe para nënshkrimit të Memorandumit të Mirëkuptimit SHBA-Iran, Omani ishte rreshtuar me Shtetet e Bashkuara dhe aleatët e saj të Gjirit duke hapur një korridor detar jugor pranë bregdetit të tij në mënyrë që anijet të mund të kalonin nëpër Ngushticë.
Irani u zemërua, duke e parë këtë veprim si dobësim të pozicionit të tij negociues. Zyrtarët amerikanë pretendojnë se negociatorët iranianë u thanë atyre se elementët radikalë brenda regjimit kishin hapur zjarr ndaj anijeve në një përpjekje për të rifituar ndikimin negociues. Një zyrtar amerikan tha se iranianët kontaktuan qeverinë amerikane pas dy ditësh përleshjesh më herët gjatë javës dhe kërkuan bisedime të reja.
“Ata na thanë, ‘E ngatërruam. Bëmë një gabim. Le të vazhdojmë të flasim’”, pohoi zyrtari.
I njëjti zyrtar amerikan shtoi se ekziston një mosmarrëveshje e brendshme e vazhdueshme brenda regjimit iranian në lidhje me zbatimin e Memorandumit të Mirëkuptimit dhe hapat e ardhshëm në negociatat me administratën Trump.
“Ka elementë brenda sistemit të tyre që duan të arrijnë një marrëveshje, por ne nuk mund të marrim vendime në emër të tyre. Ata duhet të rregullojnë punët e tyre të brendshme”, tha ai.
Sipas Axios, Shtetet e Bashkuara presin që Irani të lëshojë një deklaratë pas takimit të së shtunës në Oman.
“Ne duam që ata të deklarojnë publikisht se do të ndalojnë së shtëni anijet dhe të pranojnë në mënyrë të qartë ose të paktën në mënyrë implicite se kanë gabuar. Kjo është ajo për të cilën po punojmë tani. Ne gjithashtu presim që iranianët të thonë se çdo korridor detar në Ngushticë do të jetë i hapur dhe se kalimi do të jetë pa vendosur taksa ose tarifa të tjera,” tha një zyrtar amerikan.
Ndërsa, një zyrtar i dytë amerikan paralajmëroi se do të kishte pasoja serioze nëse Irani refuzonte.
“Nëse ky nuk është qëndrimi i tyre, atëherë nuk do të jetë një ditë e mirë për ta”, tha ai.
j.l./ dita
