Një 14-vjeçar është plagosur me thikë nga dy bashkëmoshatarët e tij teksa ishin duke luajtur në një ambient sportiv në Elbasan.
Policia thotë se i mituri ka shkuar në spital me plagë në këmbë, dhe ndodhet jashtë rrezikut për jetën.
Dy bashkëmoshatarët që e plagosën janë shoqëruar në polici, së bashku me prindërit dhe në prani të psikologes.
Njoftimi i Policisë:
Rreth orës 13:30, ka shkuar për të marrë mjekim në spitalin rajonal të Elbasanit, shtetasi R. T., 14 vjeç, i dëmtuar lehtë, në këmbë, me mjet prerës (thikë), dyshohet nga bashkëmoshatari i tij, shtetasi D. R., si pasojë e një konflikti të çastit gjatë lojës në një ambient sportiv.
I mituri D. R. është shoqëruar në ambientet e Policisë, së bashku me prindërit, për kryerjen e veprimeve të mëtejshme procedurale, në prani të psikologes.
Gjithashtu, është sekuestruar në cilësinë e provës materiale mjeti prerës (thikë).
Ndërkaq, një grup i posaçëm hetimor po punon për zbardhjen e rrethanave të rastit.
i.b./dita
