Qeveria ka miratuar pak ditë më parë disa rekomandime për drejtësinë, ku vëmendje i jepet stokut të dosjeve në gjykata. Rekomandimet u dhanë nga ministri i Drejtësisë, Ulsi Manja, që vuri në dukje se gjykimi i shkurtuar dhe marrëveshjet e fajësisë që sipas tij aplikohen fare pak nga prokurorët, të konsiderohen mes dy zgjidhjeve që shpresohet të ulin stokun e dosjeve deri më tani rreth 140 mijë të tilla.
Njëherazi dy prokurorive si lokaleve edhe SPAK u kërkohet të mos zgjasin në mënyrë të pajustifikuar hetimet.
Vetëm në Gjykatën e Apelit stoku ka mbërritur në 40 mijë çështje që presin edhe gjykimi i drejtpërdrejtë vlerësohet se mund të ndikojë në uljen e backlogut.
Me kërkesën që të shmangen ndalimet arbitrare dhe të pajustifikuara qeveria u kërkon prokurorive që kërkesat e kësaj natyre t’i vazhdojnë duke u bazuar në prova të mjaftueshme.
Ndërsa çdo masë e tillë duhet të mbikëqyret nga gjykatat. Në rekomandimet e 2025 kryeson tërheqja e vëmendjes nga ana e qeverisë për respektimin e të drejtave dhe për një drejtësi tolerante qe nuk aplikon vetëm burg por edhe dënime të tjera alternative si puna me interes publik apo kushti.
Megjithatë aktualisht rezulton se ka më shumë të paraburgosur që presin ende drejtësinë, se sa të dënuar të formës së prerë. Konkretisht burgjet i deklarojnë Top Channel se në qeli mbahen 2700 të paraburgosur dhe 1600 të dënuar.
Nga të dhënat statistikore që referohen nga vetë SPAK përmendet se për 2024, 483 dosje u hapën për çështje korrupsioni nga prokurorët e posaçëm ose me një përqindje krahasuar me të tjerat prej 70 përqind të volumit.
Ndërsa për të njëjtin krim ku kryeson vepra e shpërdorimit të detyrës prokuroritë lokale regjistruan 2030 dosje, raporton Top Channel.
j.l./ dita
Po marrim çeshtjen Saliu: sa kohe vonoi dosja per te kaluar ne gjykate? Sa kohe e mbajti gjykata per ta kaluar per gjykim. U shkelen afatet me 1 vit nga 40 dite, pra kalimi dhe gjykimi i 9 dosjeve. Pra prokurori dhe gjykatesi duhen denuar per shkelje te afatit ligjor mbi 40 dite me perjshtim nga sistemi gjyqesor. Kete te beje ministri drejtesise, ligj ne parlament qe kush prokuror dhe gjykates shkel afatin perjashtohet nga sistemi dhe pike. Ligjet i ben perfaqesuesi populli, parlamenti dhe jo Dushmani me Aldot e ect.
Kam degjuar se ne kete shtet perendimor , ku une kam emigruar ka shume korupsion , por ka edhe nje ligj qe nese denohesh nga gjykata per rryshfet , korupsion , apo te tjera te ngjashme , personi i denuar humbet te drejten e pensionit .
P{ra ata qe i bejne ligjet edhe ata qe i zbatojne duhet ti frikesohen forces se ligjit , ne te kundert “shperblimi” me disa vite burg eshte realisht mjaft fitim-prures per personion e denuar .