Uji është tërhequr, por pasojat e përmbytjeve mbeten në Durrës.
Bashkia po bën bilancin e dëmeve nga përmbytjet e shkaktuara nga reshjet e dendura të së mërkurës në disa zona të qytetit bregdetar. Grupet e punës së bashkisë kanë vijuar evidentimin e dëmeve në banesa. Vetëm gjatë ditës së premte janë verifikuar 173 shtëpi, ndërsa në dy ditë pune, më 30 dhe 31 janar, numri total i banesave të verifikuara ka arritur në 273.
Procesi i evidentimit po vijon edhe sot, ndërsa autoritetet po punojnë për të vlerësuar shkallën e dëmeve dhe për të ndërmarrë hapat e nevojshëm për mbështetjen e familjeve të prekura.
Ndërkaq, gjatë natës ekipet e emergjencës kanë përdorur pompa për të tërhequr ujin nga oborret, bodrumet dhe katet e para të banesave të përmbytura. Përpjekjet për normalizimin e situatës parashikohet të vijojnë edhe në ditët në vijim.
i.b./dita
Tani i bie qe demet e krijuara ne kete zone, nga rrebeshi i shiut, si edhe nga pergjegjshmeria e ketyre banoreve, te cilet ne menyre te paligjshme zaptuan hapesiren e kenetes dhe ne te ndertuan banesat !!!! duhet ti paguiajne taksapaguesit shqiptare ?