Sot shënohet dita e 40-të e luftës me Izraelit dhe Palestinës.
Disa automjete të ushtrisë izraelite filluan të tërhiqen nga spitali kryesor i Gazës, pas bastisjes së pamëshirshme që detyroi shërbimet në spitalin tashmë të shkatërruar të ndalonin, shkruajnë mediat e huaja.
Ushtarët mbetën brenda pas arrestimit të pacientëve dhe anëtarëve të familjes. Një gazetar i bllokuar brenda spitalit kryesor të Gazës, i rrethuar nga trupat izraelite, i tha AFP se ata ishin tërhequr nga objekti i shkatërruar pasi kishin hyrë brenda natës. Gazetari i tha AFP se ushtria izraelite po rivendoste trupat dhe automjetet jashtë mureve të spitalit.
Forcat izraelite kishin hyrë në spitalin Al-Shifa të qytetit të Gazës në orët e hershme të mëngjesit, duke rritur frikën për sigurinë e mijëra pacientëve, stafit dhe civilëve të tjerë të bllokuar brenda.
Një dëshmitar tha se era e trupave të dekompozuar ishte kudo në objekt, por luftimet dhe sulmet ajrore gjatë natës kishin qenë më pak intensive në krahasim me netët e mëparshme.
Autoritetet palestineze kërkuan mbrojtje urgjente ndërkombëtare për personelin mjekësor, pacientët dhe personat e zhvendosur ndërsa ushtria izraelite sulmoi Spitalin Al-Shifa të Gazës të mërkurën, por nuk gjeti pengje.
Kombet e Bashkuara besojnë se mijëra, dhe ndoshta më shumë se 10,000 njerëz – pacientë, staf dhe civilë të zhvendosur – mund të jenë brenda dhe të mos mund të shpëtojnë për shkak të luftimeve të ashpra aty pranë.
Disa orë pasi trupat izraelite filluan një bastisje gjatë natës në spitalin më të madh të Gazës, ushtarët morën në pyetje pacientët në oborrin e kompleksit, ndërsa palestinezë të tjerë qëndronin të zhveshur në të brendshme.
j.l./ dita
