A do të shkojë Sali Berisha këtë të hënë përpara oficeres së policisë gjyqësore në SPAK? Sipas vendimit të Gjykatës së Posaçme, për shtetasin Sali Berisha, duhet të paraqitet përpara autoriteteve dy herë në muaj, të hënën e parë dhe të tretë. 6 nëntori është edhe paraqitja e para që Berisha ka sipas këtij vendimi.
Dilema nëse ish-kryeministri do të paraqitet apo jo paraditen e kësaj të hëne ka ardhur pasi ai vetë është shprehur se nuk e njeh vendimin e Gjykatës së Posaçme, pasi sipas tij është antikushtetues, duke argumentuar se, për të marrë një vendim të tillë ndaj një deputeti, do duhej kërkuar autorizimi në Kuvendin e Shqipërisë. Por çfarë parashikohet nga ligji nëse Ish-kryeministri Sali Berisha nuk do të paraqitet këtë të hënë përpara policisë gjyqësore?
Sipas nenit 231 të Kodit të Procedurës Penale, në rastet kur ka shkelje të masave të sigurimit, gjykata mund të vendosë një masë tjetër me të rëndë. “1. Në rast shkelje të detyrimeve që lidhen me një masë sigurimi, gjykata mund të vendosë zëvendësimin ose bashkimin me një masë tjetër më të rëndë, duke mbajtur parasysh rëndësinë, motivet dhe rrethanat e shkeljes. Për shkeljen e detyrimeve që lidhen me një masë ndaluese, gjykata mund të vendosë zëvendësimin ose bashkimin me një masë shtrënguese”, thuhet në nenin 231 të Kodit të Procedurës Penale.
Konkretisht masat qe konsiderohen më të ashpra dhe që mund të jepen ndaj Sali Berishës janë arrest në shtëpi ose shoqërim me forcë, ndërkohë që arresti me burg ndaj ish-kryeministrit nuk është i mundur për shkak të moshës së tij. Por a do t’i ashpërsojë GJKKO qëndrimet ndaj Sali Berishës, nëse ky i fundit refuzon paraqitjen vullnetarisht përpara organeve të drejtësisë? Berisha akuzohet nga SPAK për korrupsion pasiv në bashkëpunim, në lidhje me çështjen e privatizimit të ish-kompleksit ‘Partizani’ dhe dhëndri i tij Jamarbër Malltezi është pas hekurave, pasi gjykata mori masën e ‘arrestit me burg’ ndaj tij, po për këtë çështje.
j.l./ dita
Dua mirelin te thote qe shqupsat po bejne cmos qe Saliu nuk futet ne burg ,shkak mosha. Keta shqupsa na u bene TV-te,analistet,juriste si mender Kreshniku,etj.Deri dje u cane gazetat,deputetet e PS-se,votuesit socialiste duke thirrur:Saliu ne burg!.Tani qe Saliu eshte perpara dyerve te gjykates dhe afer burgut I vune nje mur prej hekuri qe te mos kapexeje pragun,kushtetuten dhe burgosjen moshen.Kjo eshte tradhetia me e madhe qe po I behet popullit shqiptar.
Populli te mos ngrihet per te drejtat e palestinezeve por te ngrihet dhe me parrulla:Saliu ne burg ! Te demostroje perpara SPAK-ut.Kjo eshte demokraci.Pas kesaj le te kerkojne paqe ne lindjen e mesme.
Nese sundon ligji,”rule of law”,patjeter nese Saliu nuk paraqitet ndaj tij duhet te vendoset nje mase sigurimi me e rende.
Gjyshi te shkoje atje ne burg po nuk respektoje vendimet e gjykates